Domus > Preces > Credo - Pater noster - Gloria Patri - Sanctus
Credo
Credo in Deum, Patrem omnipotèntem, Creatòrem cœli et terræ. Et in Jesum Christum, Filium ejus ùnicum, Dòminum nostrum, qui concèptus est de Spìritu Sancto, natus ex Marìa Vìrgine, passus sub Pòntio Piláto, crucifìxus, mòrtuus, et sepùltus: descèndit ad ìnferos: tèrtia die resurrèxit a mòrtuis: ascèndit ad cœlos, sedet ad dèxteram Dei Patris omnipotèntis: inde ventùrus est judicáre vivos et mòrtuos. Credo in Spìritum Sanctum, sanctam Ecclèsiam cathòlicam, sanctòrum communiònem, remissiònem peccatòrum, carnis resurrectiònem, vitam ætèrnam. Amen.
Pàter nòster
Páter nòster, qui es in cælis, sanctificètur nomen tùum, advèniat regnum tùum, fiat volùntas tua sìcut in cælo et in terra; panem nostrum cotidiánum dá nobis hòdie, et dimìtte nobis dèbita nostra sìcut et nos dimìttimus debitòribus nostris, et ne nos indùcas in tentatiònem, sed lìbera nos a malo. Amen.
Gloria Pátri
Gloria Pátri, et Fìlio, et Spìritui Sancto, sicut erat in princìpio, et nunc, et semper, et in saècula saèculorum. Amen.
Sanctus
Sanctus, Sanctus, Sanctus,
Dòminus Deus Sàbaoth.
Pleni sunt cæli et terra glòria tua.
Hosànna in excèlsis.
Benedìctus qui venit + in nòmine Dòmini.
Hosànna in excèlsis.